card

Олсон гээсэн эд зүйлс

       

      Олсон, гээсэн бүх эд зүйлсийг хоёр долоо хоног хүртэлх хугацааны турш хадгалах, олгох үйлчилгээг үнэ төлбөргүй хийх бөгөөд хоёр долоо хоног хүртэлх хугацаанд хадгалсны дараа Нисэх буудлын цагдаагийн хэсэгт шилжүүлнэ. Хурдан муудах бараа бүтээгдэхүүнийг зөвхөн 24 цагийн турш хадгалах бөгөөд дараа нь устгах болно.

Мэдээллийн нууцлал

       Олсон, гээсэн эд зүйлсээ мэдээлэхдээ та өөрийн овог нэр, гэрийн хаяг, хот, муж, шуудангийн код, улс, утасны дугаар, имэйл хаяг мөн нисэх буудалд таны очиж үйлчлүүлсэн газар байршлуудтай холбоотой дэлгэрэнгүй мэдээлэл зэрэг хувийн мэдээллийг өгөх шаардлагатай болно. Бид энэ мэдээллийг таны эд зүйлийг бүртгэх, хайх, олох,  шинж тэмдгийг нь баталгаажуулах, тантай холбоо барих, буцааж олгох үйл ажиллагаанд  хэрэглэнэ.

        Бид таны өгсөн мэдээллийг Монгол улсын Хувь хүний нууцын тухай хууль, байгууллагын нууцын тухай журамд заасны дагуу хэрэглэгчийн хувийн мэдээллийг гуравдагч этгээдэд худалдах/хуваалцахгүй бөгөөд дагаж мөрдөөгүй бол хариуцлага хүлээх болно.

 

Газрын зураг

Олсон, гээсэн эд зүйлсийг хүлээн авах, хүлээлгэн өгөх үйлчилгээ

Нисэх буудлын терминалын барилга, хилийн бүс, явган хүний ​​зам, зогсоолын талбайгаас олсон, гээсэн эд зүйлийг хадгалах, эзэнд нь буцаан олгохтой холбоотой үйлчилгээг 24 цагийн турш үзүүлнэ. Агаарын хөлөгт олсон, гээсэн эд зүйлстэй холбоотой асуудлыг агаарын тээвэрлэгч компаниуд хариуцна. Такси эсвэл түрээсийн автомашинд олсон, гээсэн эд зүйлстэй холбоотой асуудлыг тухайн үйлчилгээг явуулж буй байгууллага, компани хариуцна.

Агаарын тээвэрлэгч авиа компаниуд болон такси үйлчилгээний компаниудын талаар нэмэлт мэдээлэл авах бол нисэхийн лавлах 1900-1980 дугаарын утаснаас эсвэл терминалын Мэдээллийн цэгүүдээс лавлана уу.

Хэрэв та олсон, гээсэн зүйлээ мэдээлэх бол Олсон/гээсэн зүйлээ мэдээлэх товчлуур дээр дарж мэдээллээ үлдээнэ үү. Эсвэл манай чат болон 1900-1980 дугаарын утсанд эсвэл нисэх буудлын Олсон, гээсэн эд зүйлсийн үйлчилгээний болон мэдээллийн цэгийн ажилтанд хандана уу.

БайршилНисэх буудлын нэгдүгээр давхарт байрлаж байна.