Улаанбаатар хотын олон улсын шинэ нисэх буудлын карго терминал нь агаарын тээврээр тээвэрлэгдэж ирэх болон явах ачаа шууданг газрын тээвэртэй холбох нэгдсэн цогц үйлчилгээг хүргэдэг бөгөөд бид Хөшгийн хөндий дэх “Гаалийн газар”, Хилийн мэргэжлийн хяналтын газар, Гаалийн зуучлагч компаниуд, Агаарын тээврийн авиакомпаниуд болон Тээвэр зуучийн компаниудын үйл ажиллагааг нягт уялдуулж иргэд албан байгууллагуудад түргэн шуурхай үйлчлэхийг зорьдог. Тус терминалд олон улсын болон орон нутгийн агаарын хөлгөөр тээвэрлэгдэж ирсэн, тээвэрлэгдэж явах бүх төрлийн карго ачаа, шууданг нисэхийн аюулгүй байдал, аюулгүй ажиллагааг найдвартай ханган ачиж буулгах, тээвэрлэлтэд бэлтгэх, хүлээн авах, хадгалах үйл ажиллагааг Олон Улсын Иргэний нисэхийн байгууллага /ICAO/ болон Олон улсын агаарын тээвэрлэгчдийн холбооноос /IATA/ гаргасан стандарт, заавар, дүрмийн дагуу чанарын өндөр түвшинд гүйцэтгэдэг болно.