“ЧИНГИС ХААН” ОЛОН УЛСЫН НИСЭХ БУУДАЛ ROUTES ASIA-2024 АРГА ХЭМЖЭЭНД ОРОЛЦЛОО

2024.03.05
104 уншсан

Ази Номхон далайн бүс нутгийн агаарын тээврийн шинэ чиглэл, урсгалыг хөгжүүлэх зорилготой ROUTES ASIA-2024 арга хэмжээ энэ оны 02 дугаар сарын 27-29-ний өдрүүдэд Малайз улсын Лангкави хотод зохион байгуулагдлаа.

Тус арга хэмжээнд Ази Номхон далайн бүс нутгийн 600 гаруй агаарын тээвэрлэгчид, нисэх буудлууд, аялал жуулчлалын компаниуд оролцсон бөгөөд “Чингис хаан” Олон улсын нисэх буудал 2 дахь удаагаа амжилттай оролцлоо.

Агаарын тээврийн салбар дахь эрэлт хэрэгцээ, түүнийг хангахад тулгамдаж буй асуудлууд, цар тахлын дараах бүс нутгийн хөгжлийн хандлага болон зорчигчийн урсгал, нислэгийн шинэ чиглэлүүдийн талаарх хэлэлцүүлэг яриа өрнүүлж, агаарын тээвэрлэгчид, нисэх буудлууд болон олон улсын агаарын тээврийн холбогдох байгууллагууд харилцан мэдээллээ солилцсон өндөр ач холбогдолтой уулзалт арга хэмжээ болж өндөрлөлөө.

Өнгөрсөн жилийн хувьд “Чингис хаан” Олон улсын нисэх буудал нь 5 сая хүртэлх зорчигч хүлээн авах хүчин чадалтай шилдэг 5 нисэх буудлын нэгээр шалгарсан билээ.

КОМПАНИЙН ТУХАЙ

Монгол - Японы хамтарсан “Нью Улаанбаатар Интернэйшнл Эйрпорт” ХХК нь 2019 оны 7 дугаар сарын 01-ний өдөр байгуулагдсан бөгөөд "Чингис хаан" Олон улсын нисэх буудлын менежментийг хариуцан ажилладаг.

ЧУХАЛ МЭДЭГДЭЛ

Мэдээ, эвентийн мэдээлэл

2024 - 04 - 19

"ЧИНГИС ХААН” НИСЭХ БУУДАЛ “SKYTRAX WORLD AIRPORT AWARDS”-аас "4 STAR AIRPORT" ГЭРЧИЛГЭЭГЭЭ ГАРДАН АВЛАА

2024 оны 04 дүгээр сарын 17-ны өдөр ХБНГУ-ын Франкфурт хотод шагнал гардуулах ёслолын арга хэмжээ зохион байгуулагдаж, “Чингис хаан” олон улсын нисэх буудал "4 STAR AIRPORT" гэрчилгээгээ гардан авлаа.

2024 - 03 - 28

"ЧИНГИС ХААН" ОЛОН УЛСЫН НИСЭХ БУУДЛЫН АВТОМАШИНЫ ЗОГСООЛ ТӨЛБӨРТЭЙ БОЛЛОО

Монгол Улсын Засгийн Газар болон Япон Улсын Засгийн Газар хоорондын байгуулсан Концессын гэрээний 14 ба 20 дугаар зүйлүүдийг хэрэгжүүлэх зорилгоор “Авто зогсоолын төлбөр хураах цэг”-ийг байгуулж,  дараах батлагдсан тарифын дагуу 2024 оны 04 дүгээр сараас авто зогсоол ашигласны хураамжийг авч, төлбөртэй боллоо

2024 - 03 - 27

ЦАГ ҮЕИЙН НӨХЦӨЛ БАЙДЛЫН МЭДЭЭЛЭЛ

“Чингис Хаан” Олон улсын нисэх буудлын орчимд их хэмжээний цас орж, цасан шуурга үүссэний улмаас нисэх буудлын хөөрч, буух зурвасыг 08:15 цагаас 9:30-ийн хооронд нийт 1 цаг 15 минутын хугацаатай түр хаасан ба энэ хугацаанд Улаанбаатараас Сөүл, Бээжин, Токио чиглэлийн нислэгүүд түр саатсан.

Бусад мэдээлэл