БНХАУ-ын Air China өнөөдөр буюу 07 дугаар сарын 01-ний өдөр Хөх хот-Улаанбаатарын чиглэлд С909 загварын шинэ агаарын хөлгөөр нислэг үйлдэж "Чингис хаан" ОУНБ-д 09:35 минутад амжилттай газардлаа. 

C909 агаарын хөлөг нь олон улсын иргэний нисэхийн дүрэм журамд нийцсэн, Хятад улсад бие даан хөгжүүлсэн анхны богино ба дунд зайд нислэг үйлдэх бүс нутгийн зорчигч тээврийн онгоц юм. C909 агаарын хөлөг нь 78-97 зорчигч тээвэрлэх багтаамжтай бөгөөд 2,225-3,700 километрийн нислэгийн хүрээнд нислэг үйлдэх боломжтой. C909 агаарын хөлөг нь 2014 оны 12-р сарын 30-нд БНХАУ-ын Иргэний нисэхийн ерөнхий газраас Агаарын хөлгийн төрлийн гэрчилгээ, 2017 оны 7-р сарын 9-нд Үйлдвэрлэлийн гэрчилгээ авсан.

Одоогоор C909 агаарын хөлөг албан ёсоор олон улсын тогтмол нислэгүүдэд ашиглагдаж эхэлсэн. Air China авиакомпани 1989 оноос эхлэн Монгол Улсад тогтмол нислэг үйлдэж эхэлсэн бөгөөд эдүгээ "Чингис хаан" ОУНБ-ын хамгийн том харилцагчдын нэг болоод байна. Эйр Чайна авиа компани нь Улаанбаатар-Бээжин, Улаанбаатар- Хөх хот зэрэг томоохон хотуудын хооронд тогтмол нислэгийн үйлчилгээ үзүүлж, хоёр орны эдийн засаг, аялал жуулчлал, бизнесийн харилцааг бэхжүүлэхэд чухал хувь нэмэр оруулсаар ирсэн юм.